წიგნის ანოტაცია

დოკუმენტის შექმნის შესახებ 

2017 წლის ივნისში, მისმა ყოვლადუწმინდესობამ, მსოფლიო პატრიარქმა – ბართლომეოსმა ღვთისმეტყველთა სპეციალური კომისია დაადგინა, რათა „მართლმადიდებელი ეკლესიის იმ სოციალური მოძღვრების შესახებ ოფიციალური დოკუმენტი მომზადებულიყო, რომელიც საუკუნეობრივ ტრადიციაში აღიწერა და მსოფლიო საპატრიარქოს მიერ თანამედროვე პრაქტიკაში გადმოიცა, კონკრეტულად კი – ახლახანს, 2016 წელს, კრეტაზე გამართულ წმინდა და დიდი კრების მიერ მიღებულ დოკუმენტებსა და განჩინებებში აისახა“. 

სპეციალურ კომისიას დაევალა, რომ „კონსტანტინოპოლის წმინდა სინოდისთვის განსახილველი ტექსტი დროულად წარედგინა. ამგვარი განხილვისა და ერთობლივი მუშაობის ნაყოფი საბოლოოდ გამოქვეყნდა, რათა მისგან, დღევანდელ სამყაროში არსებული სასიცოცხლო საკითხებისა და გამოწვევების წინაშე მდგომმა, მსოფლიოში მცხოვრებმა მორწმუნეებმა ისარგებლონ და გამოიყენონ იგი, როგორც დამოწმებებისა და დიალოგებისათვის განკუთვნილი მტკიცე საფუძველი“.